Karta Xanana ba Kompadre Mari bele fahe AMP

Xanana dada lia ho kompadre Mari (foto:google)

Dili. Karta neébe mak Prezidente Partido CNRT Kay Rala Xanana Gusmão haruka  ba Sekjen Partido Fretilin Mari Alkatiri, neébe nudar karta karakter pesoal, husi kompadre sira, maibe Partido CNRT publika liu husi CNRT media center iha loron Terça-feira (05/12/2017) hafoin Sekjen Partido CNRT halo konferesia imprensa, bele sai hanesan tudik ida sona ba AMP nia fuan, tanba afinal das kontas lideransa AMP sira rasik la konsisten iha sira nia posisaun politika, litik João Viegas, observador Politica husi UNPAZ, iha kampus UNPAZ segunda-feira (11/12/2017).

Haktuir tan João Viegas, "karta Xanana neébe haruka ba Mari iha loron 20.08.2017, hatudu momos katak Xanana direta ka indireta apoio governo neébe suporta husi bloku minoria husi Fretilin ho PD".

"Se biban ne´eba mak Sekjen Fretilin akumula Xanana nia pedido, signfika AMP la mosu?", litik tan João Viegas.

"Iha ne´e hatudu katak, tanba interese deit mak hamosu AMP ne´ebe harii husi CNRT, PLP no KHUNTO. Tanba kargu ka pasta sira hanesan: MPIE/Obras Publicas, Petroleum no Recursos Minerais, Finanças, mak  Mari Alktiri akumula tama iha VII Governo Constitucional, oras ne´e la iha ona AMP, iha mak akordu insidensia Parlamentar hodi suporta ba governo minoria nebe forma husi Fretilin no PD", argumenta João Viegas.

Hatutan João Viegas, "ho kontiudu karta Xanana ba Mari, bele provoka deskonfia malu iha AMP laran, se la gere didiak no Governo la monu iha biban badak, AMP nia aliança mos bele nakdoko, mos bele monu", dehan tan João Viegas.

Nota: >> Sani Karta Xanana haruka ba Mari