VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20160901

Hanoin hamutuk ho Komjer Julio Hornai ninia deklarasaun "Grupos Organizada Falun an Iha PNTL"

Hanoin hamutuk ho Komjer Julio Hornai ninia deklarasaun  "Grupos Organizada Falun an Iha PNTL"

Francisco Gusmão Maubere Ain tanan* 

Hafoin akontesimentus iha Ainaro ne'ebe membru PNTL ida, tiur kanek mebru F-FDTL ida, Komandante Jeral (KOMJER) PNTL Julio Hornai halo deklarasaun ne'ebe sai hanesan titul boót no destake iha Jornal Independente iha segunda loron 29.08.2016, halaman 1 no 11,  "Komjariu Julio: grupos organizada falun an iha PNTL".  

Deklarasaun Komjer PNTL nian ne'e mai dehan saida ba publiku? Mosu buat rua, hare taka frakesa instituisaun PNTL nian rasik. Husi parte seluk, koresponde ba estratejia no jogu balun mak falun duni husi instituisaun estadu obedece ba interese grupus balun nian. 

Dahuluk: Taka frakesa ne'ebe instituisaun hira ba kontrola ninia subordinadu sira, la iha voz komandu ne'ebe bele hetan obedece husi ninia  elementus sira. 
Obedece ba lei no ordem, realidade hatudu katak elementus sira indiciplinadus, la hatene hafahe saida mak sasan estado no saida mak sasan privadu. Iha tendensia privatiza sasan estadu nian. Oferese patrimonio estadu nian ba familias no belun sira uja ba fins privadus.  

Daruak: Deklarasaun Komjer PNTL Julio Hornai nian ne'e, buka hare mos husi lidun seluk, perspetiva planu no asaun intelejencia atu jogu ba desmantela grupus  ne'ebe mak organizadu no petencial ruma mak sai hanesan ameasas ba estabilidade no seguransa nacional. Mos jogus intelegencia buka desakredita grupus ruma mak sai hanesan potensial ameasas ba intereses grupus balun nian. 

Ho nune mosu lian litik sira tuir mai ne'e: 1. Planu saida no asaun saida mak sei tuir mai ho deklarasaun Komjer Julio Hornai nian ne'e?  2. Grupus ne'ebe mak atu korbankan ka sakrifika iha planu no asaun tuir mai?   

Akompana oras ne´e dadaun besik ona tinan 2016 nia rohan, kombate politiku lubung ida sei mosu mai,liliu kombate ba eleisaun Presidensial no eleisaun Lejislativa. Asaun organizadu balun sei mosu mai atu koresponde ba estratejia planu no asaun ruma, atu justifika ba diskursu ne´e  sei repete fali tuir mai. Grupus ne´ebe mak bele sakrifika mak grupus artes marciais, maibe la iha tan razaun atu kontinua uja grupus artes marciais mak sai nudar kontinua ba "kambing hitam ka bodas expiatoria". Tanba tuir resolasaun husi Conselho de Ministro "eradica no ilegaliza ona" grupus artes marciais, liliu PSHT, Kera Sakti no Korka. 

Sei hamosu isus balun ne'ebe sensivel tebes hanesan: Isus grupus UNTAS/pro-otonomi falun iha Partidos politikus sira; Falun iha organizasaun sira nudar lutu no seguransa nasaun nian hanesan PNTL/F-FDTL; Isus partidos sira fó protesaun ba grupus organizadus  balun.
  
Nune Diskursu hanesan KOMJER PNTL Julio Hornai sei akontese hikas fali, iha fulan ka wainhira tama ba kampane politika nian. Neduni lalika hakfodak ho diskursu KOMJER PNTL Julio Hornai nian ne´e, hanesan tatika ida tama iha jogu klasifika  intelejencia no kontra intelejensia nian. 

Saida mak organizasaun Sociedade Civil, Media no matenek nain sira nia hanoin no alerta, nune bele hatan ba pergunta sira ne'ebe soe hela iha leten ne'e?

*Ativista juventude Loriku Assuwain, Reflesaun ba loron Referendum ka Konsulta Popular 30 Agustu 1999.

30.08.2016

Sem comentários:

Enviar um comentário

Nota: só um membro deste blogue pode publicar um comentário.