VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20160122

500 ANOS – TINAN ATUS LIMA: Kapítulu 45 – Dom José da Costa Nunes, Bispo de Macau e Timor (1920-1940) - Parte daruak

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 45Dom José da Costa Nunes, Bispo de Macau e Timor (1920-1940) - Parte daruak

2. Vicariato Geral do Sul

1. - Soibada – Tuir vizitadór padre José da Costa Nunes, Misaun Soibada mak “centro importante  de desenvolvimento religioso de Timor”.

Misaun ne’e amo Bispo Dom José Manuel de Carvalho entrega ba padres jesuítas iha tinan 1899. Padre Sebastião Maria Aparício da Silva S. J.  mak sai hanesan superior. Maibé, iha 1911, governu portugés haruka duni sai amu lulik no irmaun jezuíta sira hosi Soibada. Atu tau matan ba sarani sira, padre José das Neves, superior do Vicariato do Norte,  husu amu lulik João Lopes  no padre Manuel Mendes Laranjeira atu hela iha Soibada; padre João Lopes hanesan superior no padre Manuel Laranjeira hanesan encarregado ba Kolejio.  Iha 1911, iha koléjio, alunos internos hamutuk ema na’in 28. Igreja mak aat ba daudaun. Maibé uma koléjiu nian ka edifisiu Estadu hadau no arrola tiha hanesan uma estadu nian. Padre José da Costa Nunes, fo sai mos katak labarik feto na’in 62, ne’ebé hanesan internas iha Colégio da Imaculada Conceição, tem ke haruka fila ba sira nia uma, tanba madre kanosiana la iha. Menina balu hela ho família iha Soibada, balu fila duni ba sira nia knua.

Vizitadór mos dehan katak besik Misaun iha propriedade ka rai barak no luan ne’ebé pertense ba Misaun, maibé seidauk rejista iha Conservatoria da Comarca.

2. – Barique – Misionáriu: Padre António Durão Quintão. Barique iha Kapela ida ne’ebé diak (pedral e cal); nia padroeira mak Nossa Senhora de Lurdes. Iha Misaun Barique, ema ne’ebé tuir missa barak; sira komunga no konfesa, no reza tersu,  ida ne’e, tanba sira banati tuir hahalok diak  Liurai Feto Dona Carlota, hosi Barque. Iha nebá iha mos eskola ba labarik feto sira, no ninia professora mak señora ida, antiga aluna Soibada nian.

NB/ Barique ida ne’e, mak Fehun Rin, laós Barique Bubur-Laran.

3. - Suro (Ainaro) – Tuir vizitadór, rai Suro kapaz; klima diak, paizajen furak, knua barak mak haleu no loron ida bele sai no sentru ida ke importante. Misionáriu mak padre Francisco José Ferreira; nia mos tau matan ba eskola ne’ebe estadu harii ona.  Iha rezidensia misionaria (hada ho fatuk no taka ho kalen); maibé kapela halo ho tali tahan ka du’ut, no didin ho au; ema sarani  oitoan deit.

4.- Bobonaro – Misionáriu padre Manuel Patricio Mendes.

5.- Misaun antigu seluk neb’e la iha amu lulik: Viqueque, Bibiçuço, Atuha, Allas (iha sarani ema nian 500), Luca, Lacluta, Manufahi (Fatubessi, Hermera, Bobonaro (uluk iha amu lulik ida naran Germano), Laclo, (iha Atsabe). Misaun hirak  ne’e, balu la iha kapela no la iha rezidensia.

Rezumu: iha Vicariato do Sul, área Misaun boot liu maibé amu lulik nain haat deit.

Molok atu remata nia relatóriu vizitadór haktuir katak iha Timor, iha lia ka dalen 19. Nia husu atu Bispo hili ema ida atu prepara katesismu ba lia balu ne’ebé importante, nune’e ema bele hatene liu tan doutrina.

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.