VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20151123

Tinan Atus Lima: KAPITULU 28 - Padre Frei Gregório Maria Barreto, O. P., Amo Lulik Timor Oan Dahuluk

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 28 Padre Frei Gregório Maria Barreto, O. P., amo lulik timor oan dahuluk

Hahú tinan 1820 ba tinan 1875, amo lulik sira iha Timor oitoan deit. Iha tinan 1834, Ministru portugés António Joaquim de Aguiar expulsa ordens no kongregasoens relijiozas hosi Portgal no nia kolonias sira (Ultramar). Tamba ne’e, missionáriu dominuikanu sira la ba ona Timor no Solor. Amo lulik balu ba Timor iha tempu ne’ebá, balu padre secular (ka diosezanu), balu sai hosi ordem Franciskana no dominikana. Iha tinan 1832 ukun Dioceseze Malaca, maibé hela iha Dili, frei Vicente FerrerO.P. (1832-1934); Governador do Bispado Diocese de Malaca ikus mak padre Manuel José Gomes (1558-1868). Iha períodu ne’e, Missoens sira iha Timor no Solor pertense ba Arquidiocese Goa (Índia Portuguesa). Iha tinan 1851, to’o Timor, amo Bispo eleito Pequim nian, naran Dom João França de Castro,; nia hela iha Lacló to’o 1852. Tamba lian sira iha Timor difisil liu ba nia no buat seluk tan, ni afla ba Portugal; no ikus mai sai Bispo iha Porto.

Iha 1864, sai superior iha Dilli, padre Luís Mesquita, ema indiano.

Iha tempu ne’ebaá istória ko’alia kona ba padre Timor oan ida, ne’ebé tama ordem dominikanu iha Goa. Ita la hatene nia moris fatin (Oe-Cusse? Manatuto? Lacló?). Padre Gregório Barreto simu ordenasau hanesan amo lulik iha Goa, iha Kapela, Palácio Penelin, loron 5 de novembro tinan 1826. Ho Provisão loron 11 fulan abril tinan 1828, Arcebispo Goa foti nia hanesan missionáriu ba Timor. Iha tinan 1834, nia sai “Viagario da vara” ba Ilha Solor ho Timor. Nia hala’o niania atividade iha Oe-Cusse, hanesan professor no iha Dilly. Governador Frederico Leão Cabreira Valente (1834-1842), desconfia padre Gregório: dehan katak nia tau lia ba ema timor atu revolta. Ne’e duni governador haruka amo lulik ba dook, ba hela iha Lautém. Ikus mai nia fila ba Dilly. Iha tinan 1851, bainhira governador António Olávio MonteiroTorres mate, padre Gregorio Barreto tama Conselho Governativo atu ukun iha governador nia fatin: membro sira sleuk mak Coronel Manuel pereira da Costa no ouvidor Mariano Pires. Bainhira governador José Joaquim Lopes fa’an Solor no Flores ba olandés sira, ema iha Larantuka la kohi simu soberanua olandés. Governu haruka padre Gregóriu Larantuka atu akalma populasaun iha neb’ebá.

Iha tinan 1856 nia hakerek relatório importante ida, hodi ko«alia kona ba situasaun Uma kreda iha Timor. Iha tinan 1856, Arcebispo hosi Goa foti nia hanesan Superior ba Missoens iha Timor. Iha tinan 1864, governador Timor José Maria Pereira de Almeida mate iha Dili. Dala ida tan, padre Greogrio, sira hili atu halo parte iha Conselho Governativo. Tamba Padre Gregório Barreto serbisu diak, Superior sira foti n hanesan Cónego honorárrio Sé Catedral Macau nian. Padre Gregório Maria Barreto mate iha Dilly iha loron 3 fulan abril tinan 1867, tinan atus ida tolu nolu resin walo liu ba.

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.