VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20150812

Tinan Atus Lima: KAPITULU 12 - Dom Frei Manuel de Santo António, O.P., Bispo de Malaca, Com Residência em Lifau

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

KAPÍTULU 12.º Dom Frei Manuel de Santo António, O.P., Bispo de Malaca, com residência em Lifau

Atu korrije hahalok dominikanu sira nian ne’ebé serbiu iha Solor ho Timor, Suprior iha Goa, haruka ba Timor, frei Manuel de Santo António. Nia inan no aman ba hosi Portugal, maibé sira hela kleur iha Goa. Aman naran Manuel da Mata no inan naran dona Francisca Tavares de Sousa. Frei Manuel nia naran hosi família ita lahaten. Naran Manuel de Santo António ne’e, naran hosi ordem reljioza. Nia moris iha Goa iha tinan 1662. Tama iha novisiadu iha Konventu de São Domingos. Nia mos hasai kursu Filosofia no Teologia iha Koléjiu São Tomas de Aquino, iha sidade de’ebá.. Tanba nia eskolante ida ke matenek, nia hasai grau “Doutor” iha Teolojia no hetan lisensa atu hanorin iha Universidade. Bainhira nia kmpleta tinan 35, iha tinan 1697, superior padre superior haruka nia hanesan vizitador ba rai Missaun iha Flores, Solor no Timor. Bainhira to’o tiha Lifau, frei Manuel de Santo António la hela iha ne’ebá, maibé, liu ba Loro Sa’e, hodi hela metin iha reinu Luca. Iha ne’ebá, nia harii kapela, prepara katekista, hanorin doutrina no vizita reinu sira. Tanba nia badinas, nia koverte liurai no dato sira hosi Luca, Viqueque, Bibiluto, Lakluta, Dilor no Vessoru. Nia mos sarani liurai Viqueque (Dom Matheus da Costa), liurai Manatuto (Dom Domingos Soares), liurai Alas (Dom Miguel Tavares), liurai FatuLete Luli (Dom Pedro Hornay).

Iha Luca, frei Manuel nia uma hanesan timor rain nain sira uma: halo ho tali tahan (akar) no didin ho bébak, nia-nia hahán mak etu ho batar; atu viizita (handí) parokia sira, nia la’o deit, ou sa’e kuda no sa’é kora-kopra, tanba Iha tempu ne’ebá seidauk iha karretaka motor.

Bainhira Liurai Portugal no vice-rei Goa foti Governador foun, António Coelho Guerreiro, Frei Manuel ba to’o Lifau, hodi tulun atu Governador tun hosi ró-ahi, no bele simu podesse. Governador ne’e fo nia impressaun kona ba amo lulik Frei Manuel de Santo António, hodi haktuir katak, ema temi amo lulik frei Manuel de Santo António hanesan “Padre santo”, ou ema ida ne’ebé hanesan São Francisco Xavier. Tanba ninia hahalok, governador António Guerreiro hakerek surat ba Liurai Portugal, husu atu foti padre frei Manuel de Santo António ba Bispo Malaca nian. De facto, iha tinan 1701, Dom Pedro II, liurai Portugal foti nanis frei Manuel ba Bispo Malaca nian. Amo Papa Clemente XI, ho Bula Gratiae divinae praemiun fó nomeasaun iha loron 22 , fulan novembro 1701. Iha tinan 1705, bispo eleito Dom Manuel de Santo António sa’e ró-ahi ba Macau atu simu konsagrasaun episkopal hosi Bispo Macau, Dom João do Casal. Bainhira nia fila ba Timor, Dom Manuel estabelese rezidensia iha Lifau. Bispo ne’e hahú tau disciplina iha uma kreda, hametin kostume no moral kristaun. Tanba ne’e, nia hetan inimigus barak: hosi governador sira, hosi amo lulik dominikanu rasik no hosi funsionariu balu iha Goa.

Dom Carlos Filipe Ximenes Belo
Prémio Nobel da Paz 1996

Sem comentários:

Enviar um comentário

Nota: só um membro deste blogue pode publicar um comentário.