VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20150317

Se RUI mak José Maurinho, oinsa mak bele lidera VI Governu lori ba sucesu

Rui Araujo
Jose Mourinho

António Ramos Naikoli *

TP, 18-19./03/2015, pajina 9
Wainhira loron tomada de pose ba VI Governu Konstitusicional, autor hakerek artigu konaba, ”VI Governo: Rui mak kapitaun, Xanana mak Treinador no Mari Alkatiri mak adjuntu treinador (in STL, 16/02/2015, pajina 14) no Forum Haksesuk (FH), loron 15/02/2015), (1).

Hafoin trata nudar personajen nudar kapitaun team, iha artigu ne’e Dr. Rui Araujo nudar treinador maibe treinador ne’ebe kompara ho treinador fenomenal iha mundu futebol mak Jóse Maurinho ka konecidu ho naran “the special one”. José Maurinho konecidu iha Mundu Tebe Bola nian tanba nia treinador ne’ebe sucesu iha equipa sira ne’ebe mak nia hahu treina. Transforma equipa ne’ebe mak ladun manan ba sai nudar manan nain, transforma jogadores sira ne’ebe ladun konecidu sai konyecidu. Ne’e mak José Maurinho hahu iha Fc Porto, muda ba Chelsa FC, ba Internazionale Milano, Real Madrid.

Kestaun mak ne’e: sa tatika mak José Muarinho uja nudar ninia segredu ba iha sucessu? Hatan mak ne’e, nudar treinador ba tebe bola, José Maurinho iha konecimentu teknika no taktika ba tebe bola. José Maurinho, laos treinador ne’e mai husi eis-jogadores maibe Maurinho mai husi Fakuldade Ciencia, Humanos no Desporto Universidade Teknika Lisboa. Maurinho aprende ninia teknika liu husi estudos teorikas konaba tatika no estratetjia konaba joga bola. Konecimentu teorika konaba tatika no teknika tebe bola nian, aumentan ho esperiencia nudar adjuntus ba Treinadores sira ne’ebe mak konecidu hanesan: Ho Bobby Robson iha Sporting, FC Porto no FC Barcelno, ho Luis Vaan Gaal iha FC Barcelona. Ho esperiencia tatika no estrategia ne’ebe nia aprende quando nudar adjuntu ba Boby Robson ho Vaan Gaal. Nia konstroe ninia tatika no estratejika rasik, ne’ebe konecidu ho naran, ”Os 10 Mandamentos do metodo Maurinho" (2).

Dr. Rui de Araujo ninia esperiencia teknikas profisional nudar medikus, hahu husi nudar Mediku iha klinika Hospital, klinika Motael, Care Internasional. Esperiencia ho ninia profisaun lida ho ema moris, oinsa mak diagnostika ema nia moras no buka solusaun liu husi fó receitas ne’ebe koresponde ba moras ne’ebe mak deteta.

Esperiencia governativa, iha I Governo Constiticional nudar Ministro de Saúde, Vice PM iha II no III Governo Constitucional no tinan hitu nudar Assesor ba Ministro de Saúde no Ministerio das Finanças.

Hanesan José Maurinho servisu ho treinadores esperiente hanesan Boby Robson no Van Gaal. Rui Mario de Araujo mos servisu ho eis-PM Dr. Mari Alkatiri, Dr. José Ramos Horta, Eng. Estanislau da Silva no ikus ho Kay Rala Xanana Gusmão. Ho PM nain hira nia estilu lideransa, Dr. Rui iha ninia apontamentu rasik no sei trasa no defini ninia tatika no estratejia hodi implementa nudar ninia istilu lideransa rasik.

José Maurinho hahu nudar treinador ikus aplika liu pasajen badak iha Benfica, ba UD de Leiria ikus mai transforma lori Maurinho ba palku treinador eleites bola nian liu husi nudar treinador principal FC Porto. José Maurinho sai nudar treinador, atu salva clubes sira ne’e husi resultadu ne’ebe ladun diak tuir objetivu Clubes nian. Laos José Maurinho mak forma equipa clubes nian, nem la rekrut jogadores estrelas ruma ba reforsa ninia equipa.

Rui de Araujo, sai nudar PM ba VI Governo Constitucional, tama iha konjuntura politika foun, pasajen lideransa husi jerasaun tuan ba jerasaun foun. Rui de Araujo, tama iha tinan 2015 nudar tinan ne’ebe mak PED 2011-2030 trasa ona ninia metas sira ba 2015, ne’ebe hare no analize objetivamente metas sira hotu liliu iha pilares 3 (capital social; infraestruturas no desenvolvimentu ekonomika) ne’ebe seidauk atinji (3).

Maurinho mos aposta iha ninia servisu psikolojika ba ninia jogadores sira nian, liliu fó motivasaun ba jogadores sira. Efeitu bele hare wainhira jogadores sira iha apto teknikamente joga tuir treinador maurinho ninian hakarak no tatikamente qualquer momentu jogadores sira bele hatama golo.

Rui Maria de Araujo nudar medico ninia servisu oinsa mak diagnostica ema nia moras, buka fo receitas aimoruk maibe bele mos uja meius seluk oinsa mak psikolojikamente bele anima moras sira. Medico ne’ebe mak sai sucesu iha ninia lideransa Politika mak Eis-PM Malaysia Dr. Mahatir Muhamad, nia nudar medico,nia transforma Malaysia sucessu ekonomikamente husi ekonomia ne’ebe base agrikultura ba industria no hasae qualidade moris diak ninia emar, hare referensia ninia bibliografia, “A doctor in the house: the memoirs of Tun Dr. Mahathir mohamad (4)”.

Oinsa ho Rui Maria de Araujo?
  • Kapital intelektual no kultural: Konyecimentu teorikas, teknikas no profisionais;
Dr. Rui Araujo ninia formasaun akademika, kulturla no humana liu husi formasaun akademika universitaria; Formasaun teknikas no profisionais, hetan liu husi esperiencias wainhira exerce funsaun nudar mediku, knar nudar membrus governus, iha I, II no III Governu Konstitusional. Ikus liu mak durante tinan 7 nia laran nudar Senior Assessor iha Ministeriu Saude no iha Ministeriu das Finanças. Eis-PM V Governu Konstitusional rekoneyese liu husi karta ninia resignasaun no hili Dr.Rui Araujo nudar nia sucesso, ”dotasaun teorikas, kapacidade teknikas no profisionais (Carta eis-PM ba PR,05.02.2015), (5)”;
  • Kapital sosial no politika:
Iha biban estudante iha Externato S.José Dili, ativu mos iha grupo Escuteiros ne’ebe, lidera direta husi Pe. Leao da Costa ho Pe. Domingos da Cunha. Nudar ativista iha Escuteiros, escolas ba formasaun pesoal no humano, tuir inspirasaun husi ninia fundador Baden Powell , harii Corpo escutas, ho inspirasaun mai husi, ”movimentu illuministas” . Iha portugal, iha biban estadu novo nian, corpo escutas fahe ba rua, ANE (Associação Nacional dos Escuteiros) ne’be inspirasaun liberal/laico no CNE (Corpo Nacional de Escutas) ne’ebe influencia no dependencia ba hierarquia Igreja Católica. Movimento Escuteiros iha Timor-Leste ninia implementasaun iha tempo okupasaun ligadu ba Igreja Católica.

Formasaun ba escuteiros ne’ebe mak Dr.Rui de Araujo ho ninia companheiros sira hetan formasaun humana no prepara lideransa no mos formasaun ispiritual tuir orientasaun doutrina Catolica Romano Apostolico.

Dr. Rui Araujo iha mak ninia envolvimentu ativu iha movimentu estudantil ba Libertasaun, liliu nudar ativista ne’ebe hamahon iha RENETIL nudar editor ba Bulitim “Neon Metin”, hakerek Agencia Lusa (in Lusa , 6/02/2015). Desenvolve komunikasaun ne’ebe diak ho membrus governus sira ne’ebe iha Governus ne’ebe pertence ba jerasaun foun, liliu sira ne’ebe tuir media sira husi klasifika nudar jerasaun Santa Cruz tinan 1991 (6). Nudar mos, kurier Komandante FALENTIL no Presidente CNRM, hodi desloka husi Indonesia mai Dili halo servisu lubun ida relasiona kontaktus externas. Rekonese Eis-PM ba IV no VI Governo Constitucional Kay Rala Xanana Gusmão iha The Wall Street Jornal (WSJ), “Our new prime minister is Rui Araujo, whom I first met when he was a medical student risking his life in Indonesia to courier information to me as leader of the Timorese resistance. He is an accomplished administrator and former vice prime minister” (7).

Tuir espiritu husi Organica VI Governu Constitucional mak,” Objetivu sira Governu nian, hodi kombate kultura burokratizasaun ne’ebé aas, liuhosi estrutura ida ne’ebé funsionál liu no iha kapasidade téknika, ne’ebé mak nia membru sira iha kompromisu boot tebes atu hatán ba populasaun sira nia aspirasaun (komunikadu Imprensa, CdM, 17/02/2015), (8)”.

Hanesan mos José Maurinho hahu ba treina FC Porto,atu evita resultadu ne’ebe mak la koresponde ho objetivu ne’ebe clube trasa rasik, nia tenki jera equipa ne’ebe treinador anterior mak forma hela. Jere oinsa mak hetan resultadu ne’ebe mak satisfas ba associados clube nian no minimu alkansa ba objetivu minimu ne’ebe mak trasa ona.

Dr. Rui de Araujo, buka jere ba equipa ne’ebe laos nia mak forma maibe ninia nukleu base, mai ona husi IV no V Governu konstitusional.

Oinsa mak bele atinji ba meta ne’ebe mak estabelece ona iha PED no Programa V Governu nian. Iha ona dalan klaran mandatu V G ba VI, neduni espasu tempu badak ba Dr. Rui bele jere equipa hanesan Mourinho jere equipa FC Porto wainhira hasai trienador tanba resultadu la tuir meta ne’ebe mak equipa iha.

Objetivu iha governasuan mak atinji ba meta ne’ebe mak iha Programa VI Governu Constitucional ne’ebe nudar kontinuasaun husi Programa V Governu, “liliu implementa ba metas iha PED 2011 -2015, maibe hare resultadu asaun mak iha atrasu barak hare iha ninia periodades iha:
  • Cap. 2, Capital sosial (Educação e Formação,Saude, Inclusao Social, Ambiente e Cultura e Patrimonio) pajinas 18-81;
  • Cap.3, Desenvolvimentu infraestrutura (Estradas e Pontes,Agua e Saneamento, Electricidade, Portos Maritimos, Aeroportos e Telecomunicacoes) pajinas 84-124;
  • Cap.4, desenvolvimento ekonom (Desenvolvimento Rural, Agricultura, Petroleo, Turismoe e investimento do Sector Privado) pajinas 126-191;
Iha tinan rua (2015-17) Programa VI Governo Constitucional rekopera atrasu ba metas ne’ebe trasa ba tinan 2015, nudar embrio ba implementasaun ba PED 2011-30. Programa VI Governo, analisa objetiva saida mak halo ona iha liliu ninia pilares 3, capital social; infraestruturas no desenvolvimento ekonomika (9).

Iha tinan rua (2015-17) Dr. Ruai de Araujo ho bukai ka esperiensia ne’ebe iha, kapital sosial, kultural no politika ne’ebe iha bele lidera ho jestaun ne’ebe eficiencia equipa ne’ebe servisu no prestasuan servisu ne’ebe diak no atinji qualidade obras ne’ebe mak sai hanesan meta iha V no VI Governo Constitucional. Prestasaun servisus liu husi servisu equipa, rigor no disciplina iha servisu. Diciplina iha aplikasuan orçamento no kontrolu ba utilizasaun osan, hanesan uja kupon mina ba kareta estadu, kontrolo kareta estadu labele lori ba uma, hamenus despesas ba estadu, buka kontrola ba pesu ne’ebe iha funcionamentu publiku ba Orçamento Estado iha no koresponde ba prestasuan servisu .

Exije ba Qualidade das obras, atu nun’e bela alkansa meta ne’ebe mak estabelece iha PLE2011-30 ne’ebe trasa ona ba tinan 2015 tuir lolos Capital Social (idem), Desenvolvimentu infraestruturas (idem), Desenvolvimentu ekonomika (idem) no enquadramentu institusional (idem), maibe servisu ba Dr-Rui de Araujo mak iha tinan rua nia laran buka alkan ne’ebe atrasu ne’ebe mak implementasaun ab PED 2011-2030.

Psikolojikamente Governo foun no Primeiro-Ministro foun lori espetatita áas husi Populasaun em jeral. Tuir Presidente República (PR) Taur Matan Ruak katak, ”TMR husu VI Governu Jere Povu-nia espetativa (in Tempo Semanal, 12/03/2015), (10)”. Espetativa ne’e mai mos husi sociedade civil, organizasauns massa resistencias nian, juventude no liliu jerasaun foun ne’ebe identifika iha Dr. Rui de Araujo mak nudar figura jerasaun foun ba troka jerasaun tuan. Espetativ áas ba Dr. Rui de Araujo hanesan adeptos futebol ba treinador José Maurinho. Sucesu ba VI Governo iha tinan rua (2015-17) nudar naha todan iha Dr. Rui de Araujo ninia kbas. Sucesso, iha tinan 2017, liderasan husi jerasaun foun asumi estafeta husi liderasa tuan sira. Se la sucesso, fó razaun ba jerasaun tuan katak, ”oportunidade fó ona, maibe jerasaun foun sira la konsegue”.

Dili, 16.03.2015 (Fulan 1 VI Governo toma pose)! 

*Militante RENETIL & Membru CC RENETIL no Artigo ne’e opiniaun pesoal no la representa instituisaun ne’ebe haknar an ba no publika iha Diario Timor Post, edisauns 17-18 de Marco de 2015 (pajina 9)!

Referensias:

1) “VI Governo Constitucional hanesan team tebe bola: Rui mak kapitaun, Xanana mak treinador & Mari mak Adjuntu Treinador”
http://forum-haksesuk.blogspot.pt/2015/02/vi-governo-constitucional-hanesan-team.html
2) Os 10 Mandamentos do metodo Maurinho 
http://www.bellartefutsal.com/site/index.php?option=com_content&view=article&id=549:os-10-mandamentos-do-metodo-do-mourinho&catid=47:link&Itemid=259&lang=pt
3) PED 2011-20130
http://timor-leste.gov.tl/wp-content/uploads/2012/02/Plano-Estrategico-de-Desenvolvimento_PT1.pdf
4) A doctor in the house: the memoirs of Tun Dr. Mahathir mohamad
http://www.goodreads.com/book/show/10749266-a-doctor-in-the-house
5) Carta Eis-PM V Governo Constitucional ba Presidente Republica (05/02/2015)!
6) O novo Primeiro-Ministro, antigo estafeta de antigo Comandante de Guirilha, in agencia Lusa (06/02/2015)!
7) Kay Rala Xanana Gusmão,: in east timor, the best goes on, in The Wall Street Journal ( 11/03/2015)!
8) Komunikado Imprensa husi Conselho de Ministro (17/02/2015)
http://wwwtimor-leste.gov.tl
9) Programa do VI Governo Constitucional 2015!
10) Tempo Semanal, edisaun 12.03.2015 (pajina 1 -3)

Sem comentários:

Enviar um comentário

Nota: só um membro deste blogue pode publicar um comentário.