VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE
Congresso  Nacional de Recontrucão de Timor-Leste Frente Revolucionaria de Timor-Leste Independente Partido Democratico Frenti-Mudança FM Partido Socialista Timor Partido do Desenvolvimento Nacional Associação Social-Democrata Timorense União Nacional Democrática de Resistência Timorense União Democrática Timorense Partidu Republikanu Partido Libertasaun Povu 

Aileba Partido Democrática Republica de 

Timor Associação Popular Monarquia Timorense Partido Unidade Nacional Partido Milénio Democrático Klibur Oan Timor Asuwain Aliança Democrática Partido Timorense Democrático Partidu Democrática Liberal Partido do 

Desenvolvimento Popular Partido Democrata Cristão

ATAURO
TIMOR-LESTE
Ami nia mehi ma'ak Liberta ita nia Rain no Liberta ita nia Povo, Ita hotu nia Mehi ma'ak Ukun Rasik An!".


Se Ma'ak Atu Ba Tuur Iha
Palasiu Prezidensial Nicolau Lobato?

Antonio Maher Lopes "Fatuk Mutin"

Francisco Guterres "Lu Olo"

Amorim Vieira

José Neves "Samala Rua"

Jose Luis Guterres "Lugu"

Angela Freitas

Luis Alves Tilman

António da Conceição “Kalohan”

terça-feira, 21 de fevereiro de 2017

Natercia Troka Guihlermino, Mafia Metin Ka Mudanças Iha Sistema Judicial?

Natercia Troka Guihlermino, Mafia Metin Ka Mudanças Iha Sistema Judicial?

Lucia Lobato*

Lucia Lobato:
Ex-Ministra Justiça IV Governo Constituciona
Hein katak PR bele nomeia matenek nain ida atu troka PTR Guilhermino iha tempo badak nia laran... Rona lia anin katak Maun Bot Xanana ho Fretilin atu dudu matenek bot juiza Maria Natercia Gusmão Pereira ba troca Juiz Guilhermino.

E Juiza ne'e mos iha ambição bot tebes atu troca Juiz Guilhermino (tuir fontes credivel balun). Ne'e laos "decisao politica" ida dificil alias "jalan mulus". Pergunta nebe tenki hetan resposta maka hanesan: sera que Juiza Maria Natercia iha duni qualificacao naton atu assume cargo importante ne'e? Sasukat saida mak usa atu hatene nia qualificada duni?

Ita hotu seidauk haluha katak Maria Natercia nia carreira to'o juiza conselheira tamba "nomeação politica" (maski CRDT ho lei mak hatur nomeação refere) liu husi PN "serviço hamutuk" ho Governo sem liu husi selecção rigoroso ida. Iha aproveitamento diak tebes iha biban nebe falta lei ka regulamentos barak atu regula sasan sira ho caracter hanesan ne'e. Decisão politica tuir deit politicos sira nia gosto,´´ asal bapak senang" buat hotu liu husi "jalan tol" lori assegura politica poderosos sira nian.

Laiha liu VONTADE POLITICA atu implementa "nomeação liu husi merito" ba posicões importantissimos sira hanesan ne'e. Iha tempo AMP nia ukun, hanesan Ministra da Justiça hau nunca concorda alias contra nomeação refere maibe "apa daya"...hasoru poderosos sira... 

Karik publico seidauk hatene e karik balun deit mak hatene, hau hatama queixa contra Juiza Maria Natercia, nia kaben Dr. Aniceto Guterres ho juizes malae balun tamba escandalo bot nebe mosu iha TR iha tinan hirak liu ba.

MP liu husi Procuradora-Adjunto Zelia Trindade investiga DEIT ARGUIDOS sira nebe hau kesar, inclui mos juiza Maria Natercia ho nia Kaben Deputado Aniceto Guterres ho malae balun husi TR, iha tempo menos de fulan ida deit arquiva tiha deit hau nia queixa e Procuradora Zelia husu MP atu loke investigação contra hau ho Juiza Margarida Veloso nebe fakar sai serviço foer nebe TR halo liu husi involvimento Juiza Maria Natercia ho nia rede mafia nebe haksumik metin iha TR. Hau hato'o recurso contra decisão Procuradora-Adj Zelia Trindade lori arquiva tiha hau nia queixa refere maibe to'o agora PGR Jose Ximenes kala sei halot metin hela iha nia gaveta!

Despacho arquivamento ida nakonu ho erros graves nebe NUNCA bele acontece iha Estado ida nebe hanaran nia an hanesan ESTADO de DIREITO DEMOCRATICO. Sera que hahalok hanesan ne'e laos servico mafia entre Juizes balun iha TR ho MP lori salva malu? Halo nusa ita bele fiar ba tribunal atu assegura justiça ba ema hotu iha condição ida hanesan ne'e? Saida mak sei acontece bainhira SISTEMA JUDICIAL la funciona? Analises ba sistema judicial ida credivel e bele ajuda hadia e haforça sistema justicial labele baseia DEIT ba artigos nebe hakerek iha surat tahan leten maibe TENKI mos hare factos nebe acontece. Hein katak timoroan hotu nebe luta e koalia makaas ba justica ida justo duni, imparcial ho sst nebe hatur ona iha Constituicao RDTL, bele tau matan ba assunto nebe acontece daudauk, nebe, lalais ka kleur sei harahun justica timorense. Bem haja Timor-Leste hanesan Estado de Direito Democratico!

*Ex-Ministra Justiça IV Governo Constitucional no foti husi Faceboo Lucia Lobato! 

quarta-feira, 8 de fevereiro de 2017

Biografia António da Conceição Candidato Presidente da Repúblika Periodu 2017-2022

Biografia António da Conceição
Candidato Presidente da Repúblika Periodu 2017-2022

Kandidatu PR, Dr. António da Conceição


I. Identidade

António da Conceição moris iha suku Leorema, posto Administrativo Bazartete iha loron 8 fulan outubro tinan 1964. Aman Tobias Manuel Lobato no Inan Adelaide Sarmento (hotu Matebian). Kaben Nain ho Iria de Fátima Neves Camões, moris iha Lospalos oan hosi Luis de Camões no Rosentina Neves de Camões.

II. Habilitação Literaria

Halao estudo Ensino Primario iha Colégio Infante de Sagres Maliana iha Tinan 1970-1975 no hasai 4a Classe. Hafoin revolusaun nebé mos hamosu funu, António da Conceição halai ba ailaran ho família tinan tolu hosi 1975 to’o 1978. Hetan kapturasaun hamutuk ho família iha fulan junho 1978 iha Leorema no tama iha kampu detensaun iha posto Bazartete hosi 1978-1981.

Iha tinan 1982 to’o 1987 tama iha Seminário de Nossa Senhora de Fátima Lahane no frekuenta eskola iha Externato de São José Balide no hasai 70  ano ho eskola Lian Português, Unika Eskola nebe sei hanorin ho Lian Portugues.

Iha tinan 1987 to’o 1991 Estuda Filosofia no Teologia iha Seminário Maior Malang, Indonesia. Iha tinan 2003-2005 kontinua fali estudo iha “ Lancaster University”, Inglaterra no Hasai Mestrado iha Relações Internacionais e Estudos Estratégicos.

III. Vida Politika

Associa an ho Organizasaun Rezistensia Nacional dos Estudantes de Timor Leste – RENETIL nebe Lidera hosi Fernando La Sama de Araújo. Halao Responsabilidade nudar Sekretario Região Malang hodi lidera Movimentu Estudantes ba Prosesu Ukun Rasik An iha Malang- Indonesia, hosi Tinan 1987-1991. Iha 1991 simu mandatu hosi RENETIL atu fila mai Timor hodi hamutuk reforsa servisu movimentu klandestinu nian iha rai laran, hodi reforsa  servisus klandestinus direitamente, hahu hosi 1991 too referendum 1999 wainhira Timor oan hakotu atu hamrik mesak nudar Nasaun Independente no soberanu. Iha tinan 1991 to 1999 halao knar Representa RENETIL iha Timor-Leste hodi servisu hamutuk ho SABALAE, Maun David Dias, Maun Etioku no liderança seluk regiaun IV nian.

Hafoin hetan libertasaun iha 1999, António da Conceição hamutuk ho nia kompanheirus lubun hahu loke diskusaun hodi mos hari’i  Partido Democratico (PD) nebe hamrik ofisialmente iha dia 10 de junho de 2001. Kargu Ikus nebe assume iha Partido Democratico (PD) nia estrutura mak nudar Presidente Konsellu Politiku Nasional too ohin Loron.

IV. Experiensia Servisu

Ba dadaun, kaer kargu iha VI governu konstitusional nudar Ministro Estado Koordenador Assuntos Sociais no Ministro Edukasaun. Kargu ida nee simu liu hosi desizaun Prezidente Partido CNRT Maun Boot Kayrala Xanana Gusmão no mos aceitação Primeiro Ministro Nian no hahu iha loron 10 fulan Agostu tinan 2015 too ohin loron, hodi troka Fernando La Sama de Araújo (matebian) nebe mate iha misaun servisu iha loron 2 fulan junho tinan 2015.

Molok simu knar nudar Ministro Estado Koordenador Assuntos Sociais no Ministro da Edukasaun, António da Conceição, liu hosi eleisaun geral 2012 eleitu nudar deputadu Partido Democratico (PD) nian, no bainhira forma V Governu Konstitusional António da Conceição hetan fiar hodi kaer pasta nudar Ministro Komersiu e Industria. Kargu ida nee hahu kaer husi fulan Agusto 2012 too fulan Agusto tinan 2015.

Iha governu tranzisaun nebe lidera hosi Dr. Sérgio Vieira de Melo (matebian), António da Conceição hetan mos fiar hodi tama iha governu nudar assessor ba Ministro Chefe Dr. Mari Alkatiri, hodi servisu iha komisaun de plano, hodi desenvolve Plano Estratégico de Desenvolvimento Nasional dahuluk.

Iha IV Governu Konstitusional, António da Conceição halao knar iha Ministeriu da Justisa nudar Assessor hosi tinan 2008-2010. Hafoin remata kontratu halao hikas knar iha Ministeriu das Financas nudar Assessor.

António da Conceição mos, nudar Funcionário Ministeriu dos Negocios Estrangeiros ho grau B ativo, no ba dadaun nee hola hela lisensa espesial sem vensimentu nudar funsionáriu atu halao knar polítiku nudar membru do Governu iha V no VI Governu Konstitusional.

Iha mos experiênsia servisu tinan barak ho organizasaun não-governamental Nasional no Internasional hanesan ETADEP, Timor-Aid, BELUN no CARE Internatio no mos servisu iha agênsia Internacional nasaun Kanada nian  CIDA, nasaun Amerika nian USAID, no nasaun Australia nian AUSAID.

V. Konhesimentu Lian

terça-feira, 7 de fevereiro de 2017

António da Conceição “Kalohan”: Declaração Kandidatura ba Prezidente Republika Timor-Leste Períudu 2017-2022

Declaração Kandidatura ba 
Prezidente Republika Timor-Leste 
Períudu 2017-2022

Kandidatu PR, Dr. António da Conceição

Ohin, loron rua, fulan rua, tinan 2017, hau António da Conceição “Kalohan”, oficialmente deklara hau nia kandidatura nudar kandidatu ba Presidente da Repúblika períudu 2017-2022.

Hili data dia 2 hodi nafatin hanoin, data ida nebe’e, ita nia Nasaun doben Timor-Leste, kalohan hafalun rai no hatada notisia mata-wen ba Timor oan tomak: Presidente Partido Demokratiku e Ministru de Estado Kordenador dos Assuntus Sociais e Ministru da Edukasaun Fernando LaSama de Araújo fila hikas ba mundo seluk no ohin kompleta fulan Rua-nulu.

Ita hotu hakruk hakmatek minutu ida, hanoin ita nia heroi sira: Fernando Lasama de Araújo, Nicolau dos Reis Lobato, Francisco Xavier do Amaral, Nino Konis Santana no sira hotu nebe fo ona sira nia an , balun fakar sira ran hodi Sosa ita nia Independência. Ita hakmatek!

Povo Timor-Leste
Maun bot sira fundadores da Nasaun RDTL
Companheiro Presidente Partido Demokratiku
Companheiro Sekretariu Geral
Companheiros no Companheiras
Veteranos e Veternas
Filhos dos Martires da Patria
Camaradas
Inan, Feton, Nan, Aman no Maun Alin sira hotu

Hahu iha tinan 2012, ita nia líderes histórikus deklara ba Nasaun prosesu foun atu halao tranzisaun Ukun iha Nasaun Doben Timor-Leste. Maun Bot Xanana, ita hotu nia Mata Dalan iha tempo funu no mos iha tempu ita hari Nasaun no hari Estadu hamutuk ho líder historiku seluk hanesan Maun Ramos Horta, Maun Mari Alkatiri, Maun Presidente Taur Matan Ruak, Eng. Mario Viegas Carrascalão, Lider Igreija Katolika nian, sira hahú hanoin no koalia ba malu, oin sa gerasaun foun hatutan prosesu Ukun Nasaun Timor-Leste. Hanoin ne sira hotu tau dunik ba iha pratika. Iha tinan 2015 Maun Bot Xanana Gusmão nudar Primeiro Ministro ba V Governu Konstitusional ho fuan no laran decide husik nia knar nudar Primeiro Ministro no hili gerasaun foun ida atu hatutan nia obra ba Nasaun Timor-Leste. Nune’e, ohin ita iha VI Governu marka ona prosesu tranzisaun liu hosi Gerasaun foun ida Primeiro Ministru Dr. Rui Maria de Araujo.

Hau nia deklarasaun nudar kandidatu ba Presidente da Repúblika periúdu 2017-2022 mai ho espíritu no intensaun politika ida ne’e.
  1. Hu hakarak atu hau nia Kandidatura garante konfiansa ba Lider histórikus hotu, ita nia aman Nasaun nian, katak Hau no Ita sei tane ás sira nia sakrifisiu luta no sei tane ás sira nia mehi, hodi nafatin hatutan misaun lulik ida ne’e no halo Rai Timor fatin dignu, fatin hakmatek no fatin próspero ba Timor oan hotu;

  2. Hau nia Kandidatura mai atu konfirma desizaun estratégika nebe ita nia aman fundadores da Nasaun sira hanoin ona kona ba Tranzisaun Ukun. Iha 2012 bainhira Fernando Lasama de Araujo kandidata ba Presidente da Republika ita hateten ba povu tomak katak “Lasama nia candidatura afirma gerasaun foun nia prontidaun atu simu estafeta Ukun” no ohin,  Hau deklara, Hau nia kandidatura atu mai fo konfiansa ba gerasaun tuan no aman Nasaun nian katak Hau no Ita bele duni e tenki bele hatutan sira nia mehi no povu nia hakarak.

  3. Hau nia kandidatura mai atu marka no konfirma existência multi-partidária iha Timor-Leste hodi haklaken nafatin ba mundo katak demokrasia sei nafatin buras no metin iha Timor-Leste.
Nune, ohin, hamutuk ho imi tomak nebe hola parte iha cerimónia lansamentu hau nia

Familia La Sama, fo apoio ba kandidatu PR, Dr. António da Conceição
kandidatura ba Presidente da Republika Periudu 2017-2022 hau deklara “Ba O Timor, Hau Maubere Oan Prontu atu Servi”

Hau sura povu nia matenek, hau sura partidus politikus seluk nia vontade diak atu tulun hau no hau mos sura Aman Hari Nasaun sira nia mahon.

Hamahan an Nafatin ho Fernando LaSama de Araujo, Nicolau dos Reis Lobato, Francisco Xavier do Amaral, Nino Konis Santana hau hasaran hau An.